هو جلسة حوارية بين الطالب و عدة دكاترة متخصصين في المجال حتى يسألوه عن كل ما تضمنه البحث
هناك عدة أمور بأذن الله تضمن حصولك على اجتياز المناقشة
وراح اعطيك امثله من تجربتي الشخصية.
أهم نقطة واولها: انك تكون انت اللي كاتب البحث وليس احد غيرك
وانت اللي مسوي العملية الإحصائية مو راسلها لشخص وبس حطيتها في البحث.
ويظهر جلياً من شخصية الباحث ومحاورته انه فارغ ذهنياً
أسئلة المناقشة تعتمد على التمحيص و التدقيق ومحاولة بطريقة و بأخرى إيجاد ثغرة ضد الطالب تبين بوضوح انه مو هو اللي اشتغل على البحث.
اذكر في المناقشة الدكتوراه سألني المختبر سؤال احصائي عن القيم اللي اعطيتها للمتغيرات فقلت له صفر و واحد قال: لو ماجاوبتي كان اعطيتك fall يعني رسوب.
باختصار
الثقة والثبات في المناقشة تجي من عمل الشي بنفسك و بإتقان
طالما عملت هذا البحث بنفسك وكنت مخلص فيه فوض امرك الى االله. سبحان الله ربنا يحمل عنك همّ اللجنة و المختبرين و شيل التوتر و الضغط النفسي اللي كنت متوقع انه يصير لك. و هذا اللي حصل معي.
ثانياً: انك تكون نائم بدري ونائم كويس كمان قبل ليلة المناقشة😴
هذي النقطة مره مهمة بيها تحدد مصير 5 سنين..تخيل انها تروح في ساعة نهار لو ما ركزت في أسئلة المناقشين بسبب السهر.
لم اتعرض لمشكلة في هذه النقطة لكن سألني عدة أسئلة عن ترابط الفقرات مع بعض لو ما نمت كويس كان جبت العيد.
ثالثاً: استحملهم شوي..
يحاولوا المناقشين استثاره الممتحن ويشوفوا رده فعله. مثلا المُنَاقِشة قالت لي انه الاستبيان ناقص و اني غير مهتمه و بعدين شوي قالت: الادبيات مهي عاجبتني وابغاك تغيرها.
رديت عليها بالاعتذار واني راح اعدلها
في نهاية النقاش قالت بحثك جدا ممتع😲
رابعاً: اتوقع اي شي يحصلك..
من خلال تجربتي كان من المفترض ان المناقشة يبدا من 9 و ينتهى 12 وقت الغذاء. لكن المختبر جاء الساعة 11:45 بسبب الثلوج وبدا من 12 الى 4. يعني4 ساعات مناقشة واسئلة فعلا تعبت منها.
خامساً.. اقراء بحثك مرة مرة كثير حتى تحفظ المعلومات ....و ادرب كثير على أسئلة المناقشة .. واعمل مع نفسك و مع مشرفك mock exam ... يساعدك كثير...
بعد اعلان النتيجة قالي المختبر انتي الوحيدة اللي في بريطانيا انقراء بحثك من اول صفحة الى اخر صفحة من قبل المختبرين..
لهذا السبب طولنا معاكي في المناقشة
ماعرفت في هذه النقطة ابكي و لا اضحك.. هو يسب و لا يمدح🤔؟.
لكن طلب مني إضافة أسماء المناقشين في مقدمة البحث كرفرنس.
اخيراً: الدعاء الدعاء الدعاء يغير لك مسارك بالكامل و يسخر لك ربي كل شي.
تعليقات
إرسال تعليق